Siglir tar il cuntegn

Header

Visualisaziun da la chasa da tgira - ina chasa quadrata cun grondas fanestras, sur la plazza flaneschan tgiraders e seniors.
Legenda: La chasa da tgira Du Lac vegn a porscher 60 letgs da tgira e 17 abitaziuns per seniors. MAD
cuntegn

San Murezzan La construcziun da la chasa da tgira Du Lac sa retardescha

La suprastanta Regula Degiacomi ha infurmà il cussegl communal ch'in cumenzament da las lavurs da construcziun anc quest atun na vegnia betg ad esser realistic. Motiv saja in recurs dad ina cuminanza da proprietaris en condomini. Quest recurs na saja anc betg schlià. La cuminanza aveva prendì a tschains parcadis sin il parcadi Du Lac.

Bain haja la radunanza dals proprietaris entant acceptà in barat da terren cun la vischnanca per fabritgar agens parcadis. I manchia dentant anc il consentiment en scrit da quests commembers, che n'eran betg preschents a la radunanza. Pervi da quest recurs manca era anc l'ok da la regenza grischuna. Cun quel fa Regula Degiacomi quint l'october.

Oriundamain era previs da cumenzar cun las lavurs anc quest'atun. L'inauguraziun da la nova chasa da tgira per San Murezzan, Silvaplauna e Segl fiss stada planisda l'onn 2023.

RTR novitads 12:00

Artitgels legids il pli savens

Scrollar a sanestra Scrollar a dretga