Siglir tar il cuntegn

Header

cuntegn

San Murezzan Cussegl administrativ da la destinaziun sa retira

Suenter che la vischnanca da San Murezzan, ch’è il pli grond acziunari da l’Engiadina San Murezzan Turissem SA, ha crititgà la constellaziun actuala dal cussegl administrativ, ha quel avunda.

Tenor ina communicaziun han ils commembers dal cussegl administrativ perquai decidì unanimamain – da metter a disposiziun ils uffizis en occasiun da la proxima radunanza generala mez d’avrigl 2020.

Vischnanca è dumandada

Uss saja oravant tut dumandada la vischnanca da San Murezzan. Ensemen cun ils ulteriurs acziunaris stoppia quella uss chattar in nov cussegl administrativ enfin l’avrigl. Fin là maina il cussegl administrativ actual ils affars.

Sin giavisch da las vischnancas da San Murezzan e Puntraschigna han ins decidì vinavant da spetgar cun l’elecziun d’in nov CEO che duai succeder a Gerhard Walter.

Per tadlar curt e cumpact:

audio
Il cussegl administrativ da la destinaziun San Murezzan metta disposiziun ils uffizis
ord Novitads dals 22.01.2020.
laschar ir. Durada: 1 minuta 14 Secundas.

RTR actualitad 17:00

Artitgels legids il pli savens