Concret han ils dus independents, Prisca Anand e Christoph Schlatter ed er Claudia Aerni da la gruppaziun Next Generation incumbensà in spezialist da marketing per far in video da promoziun. Numnadamain Loris Moser che sesa a partir da l’onn proxim en il cussegl communal da San Murezzan. Sco el di envers SRF hajan fatg part a l’acziun 16 da 20 giuvenils dumandads.
Betg declerà sco reclama
Il video che para al public sco ina recumandaziun privata è pia betg in video da las giuvnas e giuvens cun lur recumandaziuns privatas, mabain ina campagna dals politichers. Ils giuvens avessan pia stuì declerar la reclama, uschia ch’igl è cler visibel per il public ch’i sa tracta da reclama pajada. Tenor dretg svizzer saja l’agir dals influencers locals però legal. Tenor la Posta Ladina ed SRF han Christoph Schlatter e Prisca Anand pajà ils giuvenils or da l’atgna bursa – quai cun 200 francs blut ed in bon da 100 francs per l’hotel Laudinella.
