Adriano Iseppi è vegnì elegì ils 19 da fanadur sco nov president communal da San Murezzan e successur da Christian Jott Jenny.
Quest atun vegnan elegids ils auters gremis communals. Tenor annunzias per ils uffizis è cler ch’i dat in cumbat electoral tant per l’executiva sco er en il parlament da San Murezzan.
5avla candidatura per suprastanza
Per la suprastanza vulan ils cussegliers en uffizi restar er il proxims quatter onns. Concurrenza per in dad els datti cun la candidatura da Beat Mutschler che va sco tschintgavel en cursa.
Parlament reducì
A partir da l’onn proxim vegn il parlament da San Murezzan ad avair be pli 11 sezs empè dals 17 sco fin uss. En cursa van sper set commembers e commembras ch’èn actualmain en il gremi era sis novas persunas. Represchentadas èn tant la PLD, Il Center sco era la fracziun Next Generation.
Las duas commembras per la cumissiun da gestiun èn gia reelegidas per ils proxims onns cun ina elecziun senza scrutini.
L’emprim scrutini per las tschernas communalas da San Murezzan è ils 27 da settember 2026.