Siglir tar il cuntegn

Header

Purtret da la halla da chavaltgar dad ordavert.
Legenda: La halla da chavaltgar a San Murezzan. RTR, David Spinnler
cuntegn

San Murezzan Vischnanca scriva or sanaziun da halla da chavaltgar

La vischnanca da San Murezzan scriva ora la sanaziun da la halla da chavaltgar. Tschertgà vegn in team da planisaders d'architects ed inschigners, che duai mantegnair la substanza istorica dal bajetg.

Il 2017 era la halla da chavaltgar vegnida scritta or per il diever privat. In project inoltrà è lura vegnì persequità, ma lura laschà crudar in onn pli tard. Dapi lura hajan ins nizzegià la halla a moda sporadica per eveniments occurrenzas.

Diever primarmain per occurrenzas culturalas

La cumissiun da planisaziun da la halla saja perquai sa fatschentada a moda intensiva cun la halla, ses bajetgs annex e las pussaivladads per duvrar quella, scriva la vischnanca. En avegnir duai la halla vegnir duvrada per occurrenzas pli grondas da musica u events culturals, ma er per martgads, exposiziuns u occurrenzas sportivas.

Cun in studi da realisabladad duai uss vegnir evaluà tge mesiras concretas ch'ins stuess far per pudair realisar il concept da diever. Plinavant duai quest studi er resguardar co ins pudess nizzegiar il spazi exteriur.

En in emprim pass vegnia uss tschertgà il team per planisar il project. Quest team duai lura cumenzar sia lavur il schaner 2021.

RTR novitads 12:00

Artitgels legids il pli savens

Scrollar a sanestra Scrollar a dretga