Siglir tar il cuntegn

Header

cuntegn

Schlarigna Vischnanca desista d'ina sanaziun da la deponia

La radunanza communala da Schlarigna è vegnida infurmada davart ils proxims pass en connex cun il project «Revitalisaziun En». Quel aveva la vischnanca approvà l'onn passà cun in credit da 4,8 milliuns francs. La participaziun da Schlarigna sa munta a maximalmain 480'000 francs.

Gemeinde Celerina will den Inn renaturalisieren
Legenda: Vischnanca Schlarigna

En il perimeter sa chatta er ina deponia veglia. Suenter avair sclerì conscienziusamain la situaziun, haja la suprastanza decidì da desister d'ina sanaziun da la deponia e da realisar il project en ina furma reducida. Quai scriva la vischnanca da Schlarigna suenter la radunanza communala.

Ulteriurs credits e contracts

  • La radunanza ha er approvà la contribuziun da 347'100 francs per il project turistic «Digital Customer Journey» da la Regiun Malögia.
  • Per sanar il quartier Pradatsch Sur datti in credit da 6,4 milliuns francs. Ils possessurs da terren privat ston surprender ina part dals custs da la sanaziun. In biro d'inschigners fa quint che la vischnanca haja da pajar circa 5,46 milliuns francs (+/- 25 %)
  • Igl è vinavant lubì a persunas da l'exteriur da cumprar terren a Schlarigna, e la quota da la vendita da surbajegiadas cumplettas è vinavant 100%.
  • La fundaziun per la promoziun dal sport da scursalar vegn sustegnida da la vischnanca cun 50'000 francs, 20'000 èn per in nov museum a San Murezzan.
  • Ultra da quai han las 66 votantas e votants preschents tractà il nov contract cun la destinaziun turistica Engiadina Turissem SA.

Artitgels legids il pli savens