Ils dus biros spezialisads Basler&Hofmann ed Eckhaus SA analiseschan communablamain durant ils proxims tschintg mais la grondezza ed il lieu per la nova scola Grevas a San Murezzan. Uschia ha la suprastanza infurmà il cussegl communal. Suenter questas analisas vegnia decidì, tge ulteriurs scleriments ch’i dovra. Ils custs per l'analisa stima la suprastanta Regula Degiacomi sin 30'000 francs.
Vairamain avess la populaziun gì da decider quest atun davart il credit da planisaziun per la nova chasa da scola. Suenter critica massiva or dal cussegl communal – surtut vi dals custs ed il lieu – èn las lavurs vegnidas sistidas.
L'avrigl 2019 ha il Telesguard rapportà:
video
San Murezzan ha preschentà ils plans pel futur da la scola
Or da Telesguard dals 24.04.2019.
laschar ir. Durada: 2 minutas 41 Secundas.
