Siglir tar il cuntegn

Header

cuntegn

Scuol L'Institut Otalpin Ftan ha pajà enavos ils 3 milliuns francs

Ier hajan ils responsabels dal HIF e la vischnanca da Scuol suttascritg la cunvegna. Anc il medem di hajan ins pajà enavos l'emprest a la vischnanca, communitgescha il HIF.

La cunvegna prevesa, ch'il HIF paja enavos l'emprest da trais milliuns francs a la vischnanca da Scuol. Ils raps èn entant gia rivads sin il conto da la vischnanca, ha confermà il president communal Christian Fanzun ad RTR.

Per la paja scroda il dretg da cumpra e precumpra per la vischnanca. Quai aveva la radunanza communala acceptà ils 4 d'october 2021. L'Institut Otalpin Ftan è uss obligà d'investir almain set milliuns francs en la scola.

Previs è tenor ina communicaziun dal HIF d'investir ils proxims onns in import da milliuns da duas cifras en la renovaziun ed il schlargiament da la scola. Il schaner 2022 duai l'emprima dumonda da construcziun vegnir inoltrada.

La vischnanca da Scuol aveva pajà trais milliuns francs l'onn 2016 a l'Institut Otalpin Ftan pervia da problems finanzials. La fin da quest onn fiss scadì il termin per pajar enavos quest emprest.

audio
Per tadlar curt e cumpact
ord RTR Audio dals 10.12.2021.
laschar ir. Durada: 32 Secundas.

RTR novitads 12:00

Artitgels legids il pli savens