Mintga fracziun sto esser represchentada en la suprastanza communala da Scuol. Quai prescriva la constituziun communala. Suenter che la fracziun da Tarasp aveva nagina candidatura, è Daniel Stecher vegnì elegì en il segund scrutini sco suprastant communal. El ha survegnì 200 vuschs – 49 ulteriuras vuschs èn idas a candidats singuls.
Stecher era gia ils ultims trais onns en la suprastanza ed aveva demissiunà per la fin da quest onn. Per che Tarasp è preschent en suprastanza, sa ha el tuttina decis da sa metter a disposiziun.
Suprastanza cumpletta
Curt avant l'emprim scrutini na aveva Tarasp anc nagina candidatura. Là eran vegnids elegidas las suandantas persunas:
- Curdin Thomas (Ardez) cun 1058 vuschs
- Fadri Blanke (Ftan) cun 1097 vuschs
- Fadri Häfner (Guarda) cun 996 vuschs
- Dario Giovanoli (Scuol) cun 936 vuschs
- Chasper Alexander Felix (Sent) cun 1042 vuschs
Cun l'elecziun da Daniel Stecher, è la suprastanza communala da Scuol uss pia cumpletta.
audio
Per tadlar las novitads da las 11:00
ord RTR Audio dals 24.10.2022.
laschar ir. Durada: 2 minutas 52 Secundas.
