Sco dapertut en il chantun Grischun as stgargian per il mument las Alps. A Schlarigna datti mintg’onn ina festa gronda, cura che las vatgas turnan giu da las Alps sur il vitg. Gia durant la damaun bandunan ellas lur chasa per la stad ed as mettan sin viadi a val.
Il cortegi tras la vischnanca
Uschia arriva la scossa tranter San Murezzan e Schlarigna e vegn lura ornada cun matgs e puschels da flurs. Quai per guardar ora bain per il cortegi tras il vitg. Enramà vegn il cortegi da tractors vegls, però era dals pasturs e las pasturas, sco era dals signuns e las signunas che portan tuts costums tipics – saja quai costums engiadinais u era chamischas da flurs.
Il cortegi è fitg bel. Jau hai il pli gugent ils vadels, las vatgas giuvnas, perquai ch'jau hai era gugent uffants.
Las circa 50 vatgas as mettan lura sin viadi tras la vischnanca vers la plazza da festa – quai cun in pastg sin il plaun davant la baselgia San Gian sco finamira. Qua spetga sin ils giasts in pitschen martgà cun products regiunals ed era roba da mangiar e baiver.
Il cortegi tras vischnanca
-
Bild 1 von 4. Bildquelle: RTR.
-
Bild 2 von 4. Bildquelle: RTR.
-
Bild 3 von 4. Bildquelle: RTR.
-
Bild 4 von 4. Bildquelle: RTR.
La festa davant la baselgia San Gian
Sut la tenda da festa pon lura er ils pasturs e las pasturas far ina pausa, fertant ch'il chau dals signuns, Elmar Bigger, tira la bilantscha dal di:
Igl è ì meglier che planisà. Nagin è sa fatg mal ed ina massa persunas èn vegnidas per guardar il cortegi. Quai ha fatg plaschair.
Cun divertiment da la gruppa da Stgellas e la scola primara da Schlarigna ha il program da festa lura cumenzà. Cun gruppas da musica è la festa lura cuntinuada fin la notg tard.
Impressiuns dal lieu da festa
-
Bild 1 von 4. La scola da Schlarigna ha canta sias chanzuns per la stgargada. Bildquelle: RTR.
-
Bild 2 von 4. Ils ornaments da las vatgas. Bildquelle: RTR.
-
Bild 3 von 4. Bildquelle: RTR.
-
Bild 4 von 4. La plazza da festa. Bildquelle: RTR.