A Samedan ed en il Puschlav vegnan fatgas quests dis ulteriuras acziuns da tests da massa. En il Puschlav han ins constatà che oravant tut ils giuvens èn pertutgads dad infecziuns asintomaticas. E Samedan è in lieu cun ferma mobilitad, cun differentas scolas ed er blera mastergnanza.
audio
Dapli tests demussan ina meglra survista
ord Actualitad dals 17.12.2020.
Maletg: RTR, Georg Luzzi
laschar ir. Durada: 2 minutas 17 Secundas.
Ina survista definitiva n'è anc betg avant maun. Il manader dal stab directiv chantunal Martin Bühler ha infurmà perquai ch'il chantun Grischun vegn a proseguir cun far tests en tut il chantun.
Sch'ins vegn da sensibilisar la populaziun da participar activamain a far tests, ha quai in effect positiv per diminuir la derasaziun.
La strategia da tests sa chattia il mument en ina fasa da pilot. Tenor Martin Bühler prevesa il chantun d’avair ina strategia definitiva a partir dal schaner 2021.
