Siglir tar il cuntegn

Header

video
Virivaris en l'uniun da turissem da San Murezzan – co vinavant?
Or da Telesguard dals 23.01.2020.
laschar ir
cuntegn

Turissem Engiadin'Ota San Murezzan è cuntent cun reacziun da cussegl administrativ

Suenter ch’il cussegl administrativ da la destinaziun turistica Engiadina San Murezzan aveva annunzià da vulair sa retrair da l’uffizi a la proxima radunanza generala, ha entant era la vischnanca da San Murezzan prendì posiziun en scrit en chaussa.

Pers la fiduzia

La vischnanca da San Murezzan saja cuntenta cun la decisiun dal cussegl administrativ. Sper il manco da fiduzia saja surtut la communicaziun tranter las duas partidas stada fitg difficila. E la vischnanca da San Murezzan – cun 34,4% da las aczias il pli grond acziunari da la destinaziun Engiadina San Murezzan – na sa sentiva era betg tractada bain avunda da la destinaziun.

Novas premissas e statuts

Cun il midament a la radunanza generala, possian vegnir stgaffidas novas premissas e garantir ina direcziun adequata da las duas marcas «Engiadina» e «San Murezzan». Il actual cussegl administrativ cun Marcus Gschwend a la testa, n’accumpleschian betg questas premissas, uschia l’argumentaziun da la vischnanca da San Murezzan. Quella giavischa perquai tranter auter er in midament da statuts.

La balla è ussa tar la vischnanca da San Murezzan. Quella ha da surprender il lead en chaussa.
Autur: Marcus GschwendPresident cussegl administrativ ESTM SA

Fin tar la radunanza generala da la societad, vegn la gestiun operativa da la destinaziun turistica Engiadina San Murezzan manada vinavant da Jan Steiner, Marijana Jakic e Thomas Rechberger.

RTR actualitad 17:30

Artitgels legids il pli savens

Scrollar a sanestra Scrollar a dretga