Siglir tar il cuntegn

Header

video
Di decisiv per Parc da natira Biosfera Val Müstair
Or da Telesguard dals 08.01.2020.
laschar ir. Durada: 2 minutas 51 Secundas.
cuntegn

Val Müstair La populaziun di «gea» al Parc da natira Biosfera

La radunanza communala Val Müstair ha prolungà la «Charta 2021 – 2030».

La radunanza communala Val Müstair ha dà cleramain glisch verda per ulteriurs 10 onns al Parc da natira Biosfera Val Müstair. Dals 276 preschents han 273 ditg gea. Il Parc da natira Biosfera Val Müstair dastga cunquai cuntinuar cun las lavurs. Cun l'approvaziun è ussa la basa legala da la Charta 2021 – 2030 sin maisa.

Quella regla oravant tut las suandantas finamiras:

  • mantegnair la qualitad da la natira e cuntrada
  • promover in turissem ecologic
  • rinforzar l’economia regiunala
  • promover la furmaziun per in svilup persistent
  • promover la cultura regiunala
  • garantir il management, la communicaziun ed il svilup spazial
  • sustegnair la perscrutaziun e collavuraziun

Il reglament dal parc da natira, numnà «Charta 2021 – 2030», va en vigur il 1. da schaner 2021. Sustegn finanzial survegn il parc da la vischnanca Val Müstair, dal chantun e da la Confederaziun. Quels pajan ensemen in import annual da radund 1.2 milliuns francs.

audio
La populaziun di «gea» al Parc da natira Biosfera
ord Actualitad dals 10.01.2020. Maletg: RTR, Georg Luzzi
laschar ir. Durada: 3 minutas 13 Secundas.

RTR novitads 06:00

Artitgels legids il pli savens