Siglir tar il cuntegn

Header

cuntegn

Val Müstair Tuts trais suprastants novs èn elegids en l'emprim scrutini

purtret da la dunna ed ils dus umens.
Legenda: Stephanie Ulayayi-Albertin, Chasper Stupan-Hohenegger e Thomas Schadegg èn elegids da nov en la suprastanza da la Val Müstair. MAD, FMR

Per ils posts vacants en la suprastanza communala da Val Müstair èn vegnidas inoltradas trais candidaturas. Ils dus candidats e la candidata han tuts survegnì avunda vuschs gia en l'emprim scrutini. Uschia è elegì Chasper Stuppan-Hohenegger cun 359 vuschs, Thomas Schadegg cun 255 vuschs e Stephanie Ulayayi-Albertin cun 188 vuschs. Els trais succedan als impressaris Guido Mittner, Roman Oswald e Patrick Wegmann.

288 vuschs èn idas a singulas autras persunas. Total èn 1'020 vuschs valaivlas vegnidas inoltradas, uschia è la maioritad absoluta stada tar 171 vuschs.

Demissiuns pervi da differenzas cun la presidenta

L'elecziun cumplementara da la suprastanza communala è stada necessaria perquai che trais commembers avevan demissiunà dal gremi la fin da schaner. Raschun: Differenzas cun la presidenta communala. Uss è la suprastanza communala puspè cumpletta. La legislatura dals trais nov elegids cuzza anc fin la fin dal 2024.

audio
Per tadlar curt e cumpact
ord RTR Audio dals 20.03.2022.
laschar ir. Durada: 52 Secundas.

Ord l'archiv

Ina survista dals virivaris en la vischnanca:

RTR novitads 17:00

Artitgels legids il pli savens