Il Center da sandà Engiadina Bassa CSEB ha organisà l'emprim congress cun il tema «vegnir vegl en Engiadina Bassa». Sper la pussaivladad da visitar divers stans sco per exempel quel da la Spitex, da l’organisaziun «Tecum» e da la Pro Senectute han ils radund 40 participants era pudì tadlar referats interessants. Restar adina activ auza la qualitad da viver, uschè il medi Marek Nemec:
I dat dapli motivs da sa muventar che da betg sa muventar.
En ses referat ha il schefmedi interimistic, pneumolog e mediciner da sport Marek Nemec appellà da restar adina activs, far moviment e sport. Plinavant ha il co-schefmedi Hannes Graf infurmà davart il tema viver saun era en la vegliadetgna.
Chantar auza la qualitad da viver
Durant il congress han las participantas e participants era gì la pussaivladad da chantar e sa muventar. Da sa participar a chors ed autras societads culturalas gida d'augmentar la qualitad da viver ed il contact social in tranter l’auter.
La directura «Tgira» dal CSEB, Rebekka Hansmann è fitg cuntenta cun l’emprima ediziun dal congress e quel duai avair lieu regular en l'avegnir.
