Siglir tar il cuntegn

Header

cuntegn

Povradad en la vegliadetgna Mintga settavla persuna sur 65 na vegn strusch sur las rundas

En Svizra è mintga settavla persuna sur 65 onns paupra e sutpassa la limita da povradad. Quai rapporta la «SonntagsZeitung» che sa referescha ad ina retschertga represchentativa da la fundaziun «Pro Senectute». La limita da povradad en Svizra è tar entradas da 2'279 francs per mais.

Dumber crescha

Tenor quai sajan 300'000 senioras e seniors periclitads da povradad e stoppian vegnir tras cun entradas da radund 2’500 francs per mais. Cunzunt pertutgà saja il chantun Tessin. Tenor la «SonntagsZeitung» quinta «Pro Senectute» ch’adina dapli glieud veglia daventia paupra: Ils umans vegnian adina pli vegls, la lavur parziala saja en moda ed er l’inflaziun creschia.

Ord l'archiv

audio
Pro Senectute
ord Il chavazzin dal di dals 07.04.2017. Maletg: Keystone
laschar ir. Durada: 3 minutas 10 Secundas.

RTR novitads 08:00

Artitgels legids il pli savens