Siglir tar il cuntegn

Header

cuntegn

Vischnanca da S-chanf Soluziun ad interim per il forestal a S-chanf

Riet Denoth, contabilist da S-chanf surpiglia la direcziun da la deponia, la resgia ed era l’Uffizi forestal da S-chanf-Zuoz

Per cumenzar sia lavur survegn Riet Denoth sustegn dals collavuraturs, Gian Luca Vitalini, Andri Thom e Marco Solèr che sustegnan el en las spartas administraziun, gestiun resgia e forestala. Per ils project currents stat Ralf Fluor, manader tecnic e forestal da La Punt – Chamues-ch cun in pitschen pensum a disposiziun.

Riet Denoth ha desditg sia plazza sco contabilist. A partir dals 18 da november 2019 surpiglia el parzialmain la direcziun ed a partir da december 2019 lura in plazza cumplaina. A partir dal 2021 vegn Riet Denoth a frequentar la scola supplementara superiura sco selvicultur, durant quel temp vegn il pensum puspè reducì sin radund 50%.

Tenor il president communal Gian Fadri Largiader hajan ins chattà ina buna soluziun per surmuntar il temp enfin che la situaziun cun il manader da l'uffizi forestal è sclerida. Quel è numnadamain vegni dispensà causa in cas giuridic.

Ord l'archiv

Video
Affars illegals e reproschas - anteriurs collavuraturs raquintan
Or da RTR Social dals 14.10.2019.
laschar ir

RR novitads 17:00