Siglir tar il cuntegn

Header

cuntegn

Votaziuns 12 mars San Murezzan decida davart 18 enfin 36 abitaziuns per indigens

Il suveran da San Murezzan decida ils 12 da mars davart quatter projects. En votaziun van duas dumondas da credit da totalmain 24 milliuns francs, ina nova lescha ed ina revisiun da la planisaziun locala.

audio
Prevista a las votaziuns a San Murezzan ils 12 da mars
ord Actualitad dals 27.02.2023. Maletg: RTR
laschar ir. Durada: 4 minutas 46 Secundas.

Chasa da pliras famiglias e nov edifizi sanitari

Tar las dumondas da credit vai per

  • ina chasa da pliras famiglias cun 18 enfin 36 abitaziuns per indigens per bundant 20 milliuns francs sin l'areal Du Lac dasper la chasa da tgira.
  • in nov edifizi sanitari sin la plazza da campadi, l'edifizi duai custar var 3,8 milliuns francs.

Segund lai da fermada per Corviglia/Marguns

Tar la revisiun da la planisaziun locala vai per pudair construir in segund lai da fermada en il territori da skis Corviglia/Marguns. Cun in Gea a la revisiun parziala da la planisaziun locala dat il suveran era il dretg da construcziun a las pendicularas, che vegnan a construir il lai.

Nova lescha davart l'organisaziun turistica

Per pudair fundar la nova organisaziun turistica da San Murezzan duai la lescha davart l'organisaziun turistica vegnir adattada. Questa lescha è la basa per la fundaziun e lavur futura da l'organisaziun turistica e necessaria cunquai che la vischnanca aveva decidì da bandunar la destinaziun turistica da l'Engiadin'Ota.

RTR actualitad 11:00

Artitgels legids il pli savens