Siglir tar il cuntegn

Header

audio
Domat di Gea ad iniziativa per sminuir traffic tras il vitg
Or da Actualitad dals 27.11.2022. Maletg: RTR
laschar ir. Durada: 2 minutas 19 Secundas.
cuntegn

Gea ad iniziativa Domat approva via da colliaziun

Success per ils iniziants: Domat vul colliar duas vias existentas a l'ur dal vitg.

Suenter lungas discussiuns ordavant è la votaziun stada stretga: 52% da las votantas e dals votants da Domat han acceptà l'iniziativa che pretenda ina via da colliaziun tranter las vias existentas a l'ur dal vitg (Via Musel e Via Sid).

Iniziativa

GEA 52.03%, Na 47.97%

Resultat

Quai è in success per ils iniziants ch'avevan rimnà l'onn passà passa 1'000 suttascripziuns. La finamira da la nova via da colliaziun è ch'il traffic è concentrà pli fitg sin l’ur da Domat e pli paucas persunas van tras il center dal vitg.

Il suveran ha cunquai decis cunter la veglia da la suprastanza e dal parlament communal. D'ina tala via da colliaziun profiteschian be paucs e perquai sajan ils custs d'investiziun da 2,4 milliuns francs memia auts, è stà l'argumentaziun cunter.

Domat ha dentant anc prendì ulteriuras decisiuns a l'urna. Ina survista porscha RTR qua:

RTR novitads 14:00

Artitgels legids il pli savens

Scrollar a sanestra Scrollar a dretga