I dat anc ellas, las fatschadas istoricas, davos lur fanestras èsi durant onns restà stgir ed ils palantschieus scruschinds èn sa quietads sut cuvertas da pulvra. Ma i dat resistenza cunter la decadenza d'hotels vegls.
Per Ernst Wyrsch, president da Hotellerie Suisse Grischun, mussa quest svilup «ch'i vegn cartì en il turissem dal Grischun». I dettia adina puspè interessents cun blers daners ch'èn persvadids d'in avegnir. Questa tendenza da fidanza sa manifestescha en l'entir chantun.
La chasa da cura a Bravuogn
L'hotel è vegnì avert l'onn 1906 sco grandhotel, ma il grond success n'è betg vegnì. Empè da quai è el vegnì duvrà durant blers decennis cunzunt sco simpel alloschi per famiglias.
-
Bild 1 von 2. Il «Kurhaus» a Bravuogn ha cumenzà l'onn 1906 ses manaschi ed ha gia dapi l'entschatta cumbattì per l'existenza. Bildquelle: SRF.
-
Bild 2 von 2. Dapi l'onn 2009 è la chasa da cura a Bravuogn commember dals «Swiss Historic Hotels», quasi perlas da l'istorgia da l'hotellaria svizra. Bildquelle: SRF.
Las persunas ch'avevan il pli gugent la chasa – ils giasts regulars – han prendì enta maun il destin da l'hotel. Oz portan 880 acziunarias ed acziunaris il «Kurhaus» a Bravuogn. 13,5 milliuns francs èn vegnids investids fin ussa.
Christof Steiner maina l'hotel ensemen cun sia dunna. El declera che la chasa saja dad ina vart anc adina in grandhotel, ma da l'autra vart haja ella mantegnì la funcziun d'in albiert per famiglias sco durant 50 onns. Plinavant sajan ins s'etablì sco local d'events.
Las chombras èn concepidas simpel. Intginas han portas da colliaziun per pudair duvrar ellas a moda flexibla sco abitaziuns da vacanzas per famiglias.
-
Bild 1 von 4. Grazia a la porta da colliaziun (a dretga) sa laschan las chombras duvrar en cas da basegn sco in'atgna abitaziun da vacanzas. Bildquelle: SRF.
-
Bild 2 von 4. La chasa da cura a Bravuogn metta accent sin detagls che mantegnan il scharm istoric ... Bildquelle: SRF.
-
Bild 3 von 4. ... ed è stimada en emprima lingia tar famiglias. Bildquelle: SRF.
-
Bild 4 von 4. Dapi 17 onns maina Christof Steiner ensemen cun sia dunna l'hotel. Bildquelle: SRF.
L'hotel Scaletta a S-chanf
In ulteriur chapitel vegn scrit en l'Engiadin'Ota. L'edifizi dal 16avel tschientaner che stat sut protecziun da monuments vegn actualmain sanà per var 14,5 milliuns francs. Nua che la scena da musica ed il vitg èn vegnids ensemen pli baud duai puspè dar vita a partir da l'enviern 2027.
Il president dal cussegl da fundaziun Herbert Schmid punctuescha: «Qua na vegn betg construì in hotel da luxus, mabain in hotel en il segment da pretsch mesaun che duai gidar a far reviver il vitg da S-chanf».
Las lavurs da construcziun procuran adina puspè per surpraisas positivas, sco per exempel in parchet a restas da peschs istoric ch'è cumparì sut pliras stresas da cuvridas da palantschieu.
Tenor Johannes Flurin, architect e cussegliader da construcziun da la tgira da monuments dal Grischun, stat il respect per la substanza architectonica istorica en il center: «Quai ch'è anc original duess sche pussaivel vegnir mantegnì u cumplettà».
-
Bild 1 von 3. La finamira è da pudair avrir l'hotel Scaletta cun 36 chombras vers la fin dal 2027. Bildquelle: SRF.
-
Bild 2 von 3. L'hotel en l'Engiadin'Ota duai vegnir manà da la Reka. Bildquelle: SRF.
-
Bild 3 von 3. Dals custs totals da 14,5 milliuns francs mancan actualmain anc 500'000. Bildquelle: SRF.
L'hotel Chalavaina en la Val Müstair
En Val Müstair focusescha l'hotel Chalavaina, avert il 1254, sin giasts che s'interessan per istorgia, architectura e design. Dapi sia fundaziun avant passa 750 onns ha la chasa adina puspè stuì s'inventar da nov.
-
Bild 1 von 4. La finamira d'ina fundaziun è da mantegnair il caracter da la chasa. Bildquelle: SRF.
-
Bild 2 von 4. L'hotel Chalavaina era enconuschent sco albiert. Bildquelle: SRF.
-
Bild 3 von 4. La miraglia da plirs tschientaners vegn cumbinada cun in confort modern – sco per exempel ina maschina da café. Bildquelle: SRF.
-
Bild 4 von 4. Ina stgala a spirala da lain maina en ils plauns sura. Bildquelle: SRF.
L'hotel da posta Löwe a Mulegns
Er al Pass dal Güglia ha ina fundaziun da cultura salvà in hotel. Nua ch'ils viagiants sa fermavan pli baud cun lur charrotschas, pernotteschan oz surtut giasts suenter occurrenzas culturalas.
-
Bild 1 von 3. La fundaziun per la cultura Origen ha salvà l'hotel Löwe da sia decadenza. Bildquelle: SRF.
-
Bild 2 von 3. In palantschieu nobel da parchet ornescha la sala. Bildquelle: SRF.
-
Bild 3 von 3. Las inscripziuns dad aur «Turin» e «Paris» laschan sminar in hotel cun flair internaziunal. Bildquelle: SRF.