Siglir tar il cuntegn

Header

cuntegn

Grischun Central A Tusaun han cumenzà las lavurs per nova Landi

Glindesdi saira è stada l’emprima badigliada per la nova stizun Landi, ch’è vegnida destruida dal tuttafatg il december passà entras in fieu. La reavertura duai succeder il november da quest onn.

Il nov bajetg vegn cun pitschnas midadas ad esser medem sco la veglia Landi. Quai che pertutga las mesiras da segirtad duai la nova Landi esser sin il pli aut stan, ha ditg Joachim Kirchler, il manader da fatschenta da la Landi Grischun. Sin il tetg dal nov bajetg vegn construì in indriz solar che producescha 120’000 uras kilowatt electric ad onn. Quai correspunda al diever da radund 30 chasas d’ina famiglia. Il tancadi porscha da nov in indriz per chargiar dus autos electrics il medem mument. L’electricitad deriva da l’agen l’indriz solar. Enfin che la nova stizun da la Landi vegn averta resta il provisori a Tusaun avert.

audio
Bunura: Emprima badigliada per la nova Landi a Tusaun
ord Actualitad dals 08.05.2018.
laschar ir. Durada: 2 minutas 2 Secundas.

Grond donn da material

Il brischament dals 14 da december ha chaschunà donns da circa otg milliuns francs. El è vegnì envidà d’in emprendist da la Landi ch’aveva entschet cun l’emprendissadi la stad dal 2017. Blessads entras il brischament n'hai dà nagins.

L'emprima badigliada è stada glindesdi saira.
Legenda: L'emprima badigliada è stada glindesdi saira. RTR, Federico Belotti

RR actualitad 07:00

Artitgels legids il pli savens