En in mais vegn il bogn termal d'Alvagni sut il martè. Ingiantads vegnan il bogn da cura e l'ustaria. Vitiers vegn il terren cun ina surfatscha da passa 4'000 meters quadrats. La stimaziun da l'immobiglia e dal terren munta ad 1,8 milliuns francs.
Il bogn ad Alvagni è vegnì serra avant radund trais onns perquai ch'el n'ha betg rendì pli. Las frequenzas dal bogn èn idas enavos onn per onn. Il mars ha la Bogn Alvagni SA deponì la bilantscha. La Christoffel Holding SA da Tavau, ch'è anteriura possessura dal bogn Alvagni, ha ditg envers RTR ch'ella veglia sa participar a l'ingiant dal bogn.
Or da l'archiv:
video
Bogn Alvagni va concurs
Or da Telesguard dals 08.03.2023.
laschar ir. Durada: 3 minutas 2 Secundas.
