Il territori sut Brinzauls sa mova. Quai chaschuna adina puspè per gronds donns da la via. Tuttina datti signals positivs: «Dapi ch'ina galaria da drenascha è parzialmain en funcziun, avain nus constatà ch’ils moviments dal terren èn ids enavos in pau ed i dat mintga di pli pauca defurmaziun da la via e nus stuain reparar pli pauc», di Christoph Hänni, geolog tar l'Uffizi da construcziun bassa dal Grischun. Reparaturas vegnan regularmain fatgas – circa 150'000 francs per onn custan quellas ad onn. Pertutadas èn las vias tar il Stiert Grond tranter Casti e Vazarauls e la via tranter Surava e Casti. Mintga tschintg onns dovra quai repartura spli grondas. La correctura actuala cun in nov mir da sustegn sin la via en direcziun Surava custa stgars in milliun francs.
Nagin tunnel
In tunnel da via fiss bain ina varianta pussaivla, ma el custass plirs tschient milliuns francs. Perquai na stat la construcziun d’in tunnel betg en discussiun. Avant tschintg onns eran vegnids fatgs plans cun diversas variantas da tunnel.
-
Bild 1 von 8. La via tranter Casti e Surava sto adina puspè vegnir sanada, per part èn era las pitgas electricas tortas. Bildquelle: RTR.
-
Bild 2 von 8. Qua en il conturn da Vazarauls è il cunfin dal terren che glischna ed il terren stabil. I dovra adina puspè mesiras da reparar. Bildquelle: RTR.
-
Bild 3 von 8. Quests donns sa resultan dal terren che ruschna. Bildquelle: RTR.
-
Bild 4 von 8. Quest plan mussa co che la via tranter Casti e Surava vegn reparada. Bildquelle: RTR.
-
Bild 5 von 8. Qua en il conturn da Vazarauls è il cunfin dal terren che glischna ed il terren stabil. I dovra adina puspè mesiras da reparar. Bildquelle: RTR.
-
Bild 6 von 8. Via reparada tar il Stiert Grond tranter Vazarauls e Casti. Bildquelle: RTR.
-
Bild 7 von 8. Qua vegn investì radund 1 milliun francs en la reparatura da la via tranter Casti e Surava. Bildquelle: RTR.
-
Bild 8 von 8. Il geolog Christoph Nänni sut la via chantunala che vegn questa stad sanada tranter Casti e Surava. Bildquelle: RTR.