Dus decennis hajan ins discutà davart in implant da far naiv. Quai di il president communal d’Avras, Kurt Patzen. L’onn passà saja alura il temp stà madir, ed en la votaziun dal zercladur saja la gronda maioritad da la populaziun stada per l'implant. Grazia a quel ha quest enviern la stagiun gia pudì entschaiver il mez da november.
-
Bild 1 von 4. Blers onns è il president communal d'Avras Kurt Patzen sa fatschentà cun l'implant da far naiv. Bildquelle: RTR.
-
Bild 2 von 4. Era Swiss Ski vegn qua per trenar. Bildquelle: RTR.
-
Bild 3 von 4. Il runal Cawetta ha tras pistas ch'èn tuttas ennavadas. Bildquelle: RTR.
-
Bild 4 von 4. Maria Knaus-Loi dal biro da turissem a Cresta è leda: cun ils chanuns da far naiv possian ins garantir la naiv e generar dapli pernottaziuns ed entradas. Bildquelle: RTR.
Clubs da l’entira Svizra ed era skiunzas e skiunz da Swiss Ski èn vegnids en Avras per trenar. Cun quai haja er in hotel gia avert sia stagiun il november. Quai genereschia dapli pernottaziuns en la val, uschia Maria Knaus-Loi dal biro da turissem. Ella speria che l’onn proxim avrian era anc auters manaschis pli baud la stagiun d’enviern.
Avras sco center da trenament
Las pistas ch'èn prontas il november èn er attractivas per ils clubs da skis chantunals ed ils caders regiunals. Quai manegia Beni Michael. L'anteriur trenader e funcziunari da skis er sa gidà ferm cun la realisaziun da l'indriz da far naiv. Ussa è el en il cussegl d'administraziun e responsabel per las cudischaziuns ed ils contacts cun clubs e caders.
Avras è in lieu da tranar optimal per tuts
Uschia na stoppian ils caders betg ir sin ils glatschers per trenar. Ins sajan ina buna alternativa, e Beni Michael spera da pudair porscher pistas per il trenament dal november fin il avrigl.