«Cun la patinera natirala vulain nus sviluppar vinavant la destinaziun da vacanzas», di Nicolin Josty, il mainagestiun da Bravuogn Filisur Turissem. Cun ils responsabels da la Skateline Alvra da Surava ch’è en il fratemp serrada sajan ins en contact, di Josty plinavant.
Ins guardia il mument sch’ina part da l’infrastructura possia vegnir surpigliada, per exempel ils patins per dar a fit, la maschina da glatsch ed auter pli. Sco Josty di saja in dals avantatgs, ch’ins na dovria betg in manaschi da bus sco tar l’anteriura Skateline a Surava, cun quai ch’i sa tractia a Bravuogn d’ina patinera circulara – vul dir la partenza e l’arrivada èn al medem lieu.
-
Bild 1 von 6. Ils puncts alvs mussan la patinera da 1,4 kilometers lunghezza. Bildquelle: Bravuogn Filisur Turissem.
-
Bild 2 von 6. Sin quest territori è planisada la nova Skateline Alvra. Bildquelle: Bravuogn Filisur Turissem.
-
Bild 3 von 6. Sin quest prà datiers dal guaud pudess la Skateline Alvra festivar sia renaschientscha. Bildquelle: RTR.
-
Bild 4 von 6. Niculin Josty, mainagestiun da Bravuogn Filisur Turissem è in dals promoturs dal project. Bildquelle: RTR.
-
Bild 5 von 6. La Skateline Alvra a Surava è serrada per adina. Eventualmain po ina part da l'infrastructura vegnir transferida a Bravuogn. Bildquelle: RTR.
-
Bild 6 von 6. Ils puncts alvs mussan la patinera da 1,4 kilometers lunghezza. Plinavant è da vesair la pendenza. Bildquelle: Bravuogn Filisur Turissem.
Per la gestiun e per l’organisaziun duai vegnir fundada ils 22 da matg in’uniun. L’interess per la Skateline Alvra a Bravuogn saja gia grond, ad in’occurrenza quest enviern sajan stadas preschentas var 60 persunas e diversas hajan gia mussà interess da gidar activamain en l’uniun. Concernent la finanziaziun na datti anc naginas cifras concretas – ina part dals daners per la gestiun pudessan vegnir or d’in fond da l’organisaziun turistica. Pertutgant ils aspects da l’ambient e las lubientschas sajan ins conscient da l’impurtanza. I haja gia dà contacts cun l’Uffizi da chatscha e pestga dal Grischun per garantir che tut las prescripziuns vegnian resguardadas.