Siglir tar il cuntegn

Header

audio
Simon Willi: «La satisfacziun è gronda»
Or da Novitads dals 26.09.2021.
laschar ir. Durada: 03:53 minutas.
cuntegn

Elecziuns a Lantsch Simon Willi resta president da Lantsch

Simon Willi resta president da Lantsch. En il duel ha el battì ses cuntracandidat Peter Nadig. El ha survegnì 60,5% da las vuschs (147 vuschs) e po uschia cuntinuar ses uffizi, ch'el tegn dapi l'onn 2011. Cunquai n'èsi betg gartegià a Peter Nadig (71 vuschs) da surpigliar il timun a Lantsch – el era vegnì proponì da la gruppaziun VIVA Lantsch e vuleva surtut meglierar la communicaziun en vischnanca.

Suprastanza communala è cumpletta

Sper il presidi ha la vischnanca da Lantsch era cumplettà la suprastanza communala. Elegids èn:

  • Fabian Simeon (216 vuschs)
  • Armon Margreth (207 vuschs)
  • Daniel Ulber (168 vuschs)
  • Sheila Karrer (145 vuschs)
  • Sulettamain Marc Piccaluga n'è betg vegnì elegì. Ils da Lantsch avevan la schelta tranter 5 candidats per quatter posts.

Irregularitads supponidas

Il cuntracandidat Peter Nadig aveva fatg valair en ina communicaziun a las medias ch’i haja dà irregularitads tar il material da votaziun. Tenor el sajan vegnids tramess documents da las votaziuns dal zercladur – enstagl dal settember. Tenor Ursin Fravi, il chanzlist da Lantsch na saja quai betg pussaivel ch’ins haja tramess ina cuverta cun la data sbagliada. Pervi da las rinfatschas da Peter Nadig haja la chanzlia controllà la dumengia da votaziun ed elecziun mintga singul attest dal dretg da votar e tuts hajan gì la data correcta. Peter Nadig ponderescha da far pass giuridics.

RTR novitads 14:00

Artitgels legids il pli savens

Scrollar a sanestra Scrollar a dretga