Era gia approvà la prolungaziun dal contract dal Parc Ela ha il «Kleiner Landrat» da Tavau, pia la suprastanza communala. Anc decider davart il contract ston las vischnancas Alvra (30 d'october), Surses (30 da november), Bravuogn Filisur (termin anc betg enconuschent) e Lantsch (termin anc betg enconuschent).
Reelegì president
Plinavant ha la radunanza communala da Ferrera elegì la suprastanza per la perioda d’uffizi dal 2021 – 2022. Hubert Weibel è vegnì confermà sco president communal, nov en suprastanza è vegnì elegì Christian Brunold. In post en suprastanza è anc vacant.
Quint serra cun in minus
Approvà è vegnì il quint dal 2019 che serra cun in minus da 133’000 francs. Quai tar expensas da passa 2,2 milliuns francs. Plinavant ha la radunanza communala approvà in credit da circa 92’000 francs per sanar l’ara La Nois. Plinavant datti in credit da 45’000 francs per cumprar ina nova crana per far lavurs da conturn.
Ord l'archiv:
Almain quatter da sis vischnancas ston dir Gea al Parc Ela. Perquai è quel stà sin tura da reclama.
