La vischnanca da Fideris quinta cun in deficit da 63'610 francs l'onn che vegn tar expensas da var 3,4 milliuns francs.
Il preventiv 2024 ha la radunanza communala approvà unanimamain ed il plan da finanzas 2025-2028 è vegnì prendì ad enconuschientscha. Il pe da taglia resta a Fideris tar 100% da la taglia chantunala simpla. Plinavant è il credit da 50'000 francs per in nov vehichel communal vegnì approvà cun gronda maioritad.