Siglir tar il cuntegn

Header

audio
Il rumantsch è ì en emblidanza a Muntogna da Schons
Or da Actualitad dals 17.06.2020.
laschar ir. Durada: 03:07 minutas.
cuntegn

Fusiun Muntogna da Schons Il rumantsch è «vegnì emblidà»

Avant curt è cumparì il rapport final che tracta las examinaziuns da fusiun da las vischnancas da Casti-Vargistagn, Donat, Lon e Maton. Malgrà che la vischnanca nova duai esser ina vischnanca rumantsch-tudestga, è il rapport da 43 paginas cumparì mo per tudestg. Quai è vegnì crititgà sin Facebook.

Sco quai che Walter Battaglia, il president communal da Donat e commember da la gruppa dal project da fusiun ha ditg envers RTR, ins n’haja gnanc pensà uschè lunsch – ma i saja cler ch’il rumantsch survegnia ses post en la vischnanca fusiunada. Gia en vista a la proxima saira d’infurmaziun ils 19 da zercladur duai il messadi esser avant maun per rumantsch.

Per la promoziun da la lingua stad a disposiziun ina summa da 250'000 francs, sche la fusiun grategia. La summa totala ch’il chantun metta a disposiziun per la fusiun munta a passa 2,2 milliuns francs. Las radunanzas communalas da las quatter vischnancas decidan ils 26 da zercladur davart la fusiun. Quella po ir en vigur mo sche tut las vischnancas dian gea al project da fusiun.

RTR actualitad 12:00

Artitgels legids il pli savens

Scrollar a sanestra Scrollar a dretga