Legenda:
Ils iniziants da l'iniziativa en Surses han repartì quest'emna in fegl sgulant cun lur arguments.
RTR, Federico Belotti
cuntegn
Iniziativas valaivlas - Rumantsch grischun pudess svanir or da scolas surmiranas
Las trais iniziativas che vulan abolir il rumantsch grischun e reintroducir l’idiom surmiran en scola èn valaivlas. Quai han confermà ils presidents communals da las vischnancas Lantsch, Alvra e Surses. Sco betg realisabel è sa mussà il termin pretendì dals iniziants.
Uschia quintan las vischnancas da pudair midar il linguatg d’alfabetisaziun il pli baud sin l’entschatta da scola 2021/22. A decider vegnan mintgamai las radunanzas communalas, probabel en l’emprima mesadad da l’onn proxim. Las scolas da Savognin, Lantsch, e Casti èn dasperas las scolas bilinguas da Domat, Trin e Cuira las davosas scolas popularas ch’instrueschan anc en rumantsch grischun. Tut las autras scolas rumantschas dal Grischun èn gia returnadas tar l’idiom.
