Siglir tar il cuntegn

Header

Navigaziun

Legenda: Guardar il video L'ultima bastiun croda: Er Alvra e Lantsch vulan turnar tar surmiran. Durada 02:31 minutas.
Or da Telesguard dals 18.06.2019.
cuntegn

Rumantsch grischun en scola Lantsch ed Alvra vulan turnar tar il surmiran

En duas vischnancas dal Grischun central pretendan iniziativas da midar il linguatg d'instrucziun. Pertutgà è il Consorzi da scola Val Alvra dafora, cun lieu da scola a Lantsch.

Sco il chanzlist da Lantsch ha confermà ad RTR, han 37 persunas suttascrit ina iniziativa che ha l'intent da midar il linguatg da scola enavos tar il surmiran. En la vischnanca da Alvra han radund 80 persunas fatg quai. Avant be in mais aveva er la vischnanca Surses survegnì ina tal'iniziativa.

Sche las trais iniziativas inoltradas avessan success, fissan pia er las ultimas trais vischnancas da oriundamain 40 vischnancas da pionier che han introducì il rumantsch grischun, turnadas a l'idiom. Rumantsch Grischun vegniss lura be anc instruì en las scolas bilinguas da Domat, Trin e Cuira.

Betg midar d'in si sin l'auter

Er sche las iniziativas fissan valaivlas ed han success na giess la midada betg dad in di sin l'auter. I mancan numnadamain ils meds d'instrucziun. Sco cusseglier guvernativ Jon Domenic Parolini di dentant, fiss quai pussaivel ch'il chantun reponderescha las prioritads da producir meds da scola. Quai che pertutga il proceder da la midada valess er qua il medem sco en cas passads: Tgi che ha cumenzà la scola cun rumantsch grischun finescha er la scola cun rumantsch grischun.

RR novitads 09:00