Grischun Central - Laina indigena per l'hotel nov a Savognin - Novitads

Grischun Central Laina indigena per l'hotel nov a Savognin

Gievgia è stada l’emprima badigliada per in nov hotel da quatter stailas a Savognin. La firma Uffer SA da Savognin bajegia en collavuraziun cun investiturs dal Liechtenstein l'hotel Grava. Manà vegn l'hotel da la Jufa hotels da l’Austria che posseda gia 60 hotels en quatter pajais da l’Europa.

Autur: Federico Belotti

Da san.: Martin Meyer, ceo da la gruppa d'investiders ITW, Gerhard Wendl, directur Jufa hotels, Enrico Uffer, manader da fatschenta Uffer SA che construescha l'hotel, Leo Thomann, presiedent communal Surses.

Da san.: Severin Niederberger ch'ha terrà la planta, Martin Meyer, ceo da la gruppa d'investiders ITW, Gerhard Wendl, directur Jufa hotels.

Ils lavurants da guaud da Surses en acziun.

L’emprima badigliada è stada in pau auter che usità. Sco act simbolic è vegnida terrada l’emprima planta. Quella vegn duvrada per la construcziun dal nov hotel che vegn fabritgà cun blera laina indigena. L’avertura da l'hotel cun 75 chombras e 200 letgs è planisada sin la stad dal 2021.