Siglir tar il cuntegn

Header

Tina Sulser sa legra sin la nova plazza sco chanzlista da la Muntogna da Schons.
Legenda: Tina Sulser sa legra sin la nova plazza sco chanzlista da la Muntogna da Schons. RTR, Federico Belotti
cuntegn

Muntogna da Schons Chattà chanzlista rumantscha

Il december entschaiva Tina Sulser da Ziràn a lavurar sco chanzlista per la vischnanca Muntogna da Schons. La mamma da dus uffants discurra vallader e sutsilvan. Il mument lavura ella per la posta al spurtegl da Tusaun.

Sis annunzias ha la Muntogna da Schons survegnì sin l’inserat dal chanzlist. Gronda paisa metta la vischnanca da fusiun sin il rumantsch: En il contract da fusiun stat scrit, che la vischnanca fa tant sco pussaivel, per promover il rumantsch en vischnanca ch’ha ils linguatgs uffizials rumantsch e tudestg.

Bainprest vegn elegì era il president communal

Sco quai ch’il president communal ad interim Andreas Heggendorn ha ditg sin dumonda da RTR, saja planisà da vuschar il settember sur da las differentas leschas e taxas, il november sajan planisadas las elecziuns ed il december vegnia vuschà davart il preventiv ed il pe da taglia. A la fusiun che va en vigur l’emprim da schaner 2021, fan part Donat, Lon, Maton e Casti-Vargistagn.

RTR actualitad 12:00

Artitgels legids il pli savens

Scrollar a sanestra Scrollar a dretga