Sco quai che la Fundaziun Medias Rumantschas scriva, hajan ins sin l’entschatta da l’onn in nov team redacziunal per la Pagina da Surmeir: Duas redacturas e dus redacturs cun divers pensums parzials. Quai èn: Angelica Augustin (praticanta, 60%), Madlaina Capeder (20%, assistenta redacziunala), Matia Demarmels (50%, redactur) e Peder Antona Baltermia (80%, redactur).
«Gulp veglia» va en pensiun
Gion Nutegn Stgier ch’ha lavurà blers onns sco redactur en la regiun va en pensiun la fin da quest onn. El vegn però a sustegnair la redacziun en l’avegnir sco collavuratur liber. Per avair avunda peda da far tschertas midadas sco reorganisar process da lavur e midar la tecnica, scroda l’emprima ediziun da l’onn che fiss stada previsa ils 7 da schaner. La proxima Pagina da Surmeir sut la batgetta da la FMR cumpara ils 14 da schaner 2021.
