Il Parc Ela resta era ils proxims 10 onns in parc natiral regiunal da muntada naziunala. Suenter che tuttas 6 vischnancas dal Parc e l'Uniun Parc Ela han approvà il plan da management per il parc ed il chantun ha inoltrà a temp la dumonda da prolungaziun a Berna - ha l'Uffizi federal d'ambient uss approvà la dumonda. Quai ha communitgà il parc la gievgia.
Igl è in di da festa per nossas vischnancas, per la populaziun, il parc e la pajaglia per la buna lavur sur ils onns
A chaschun dad ina radunanza generala extraordinaria ils 21 d'avust vul la societad dal parc festivar la decisiun da la Confederaziun ensemen cun la vischnanca e ses commembers. A la radunanza generala duai alura er vegnì elegì ils successurs da Carmen Dedual ed Adrian Ballatt che sa retiran sco commembers da la suprastanza.