Sut il stritg han las pendicularas fatg in gudogn da record da 2,3 milliuns francs. Quai suenter ina perdita da bunamain 54’000 francs l'onn avant, scrivan las Pendicularas Lai en ina communicaziun. Er tar las emprimas entradas ha Lai nudà in nov record dapi la colliaziun dals dus territoris da skis dad Arosa e Lai il 2013/14 cun passa 1,4 milliuns giasts durant l’enviern.
Er la fatschenta da stad saja vinavant sa sviluppada positivamain. Bain haja cun bunamain 207'000 giasts dà in zic pli pauc che durant la stad excepziunala 2020, però sajan ins anc adina cleramain sur la media da tschintg onns (176'313 giasts).
