Per l'onn da fatschenta 2021 / 2022 pon las Pendicularas Lai gia ussa annunziar d'avair scrit giu ils debits sin 41 milliuns francs. Ils onns 2009 enfin 2018 avevan las pendicularas investì 150 milliuns francs. Il president dal cussegl d'administraziun da las Pendicularas Lai, Felix Frei, ha tar la preschentaziun da la strategia al cussegl communal da Vaz era tradì ch'ins vegnia ad investir puspè ils proxims onns.
Investir stoppia ins en la digitalisaziun, batschigls d'aua pli gronds, las sutgeras da Scalottas e Tgantieni e plinavant duessen ils project da hotel e chasa da parcar Fadail e Canols vegnir persequitads vinavant. La vischnanca da Vaz è cun prest 35% il pli grond acziunari da las pendicularas.
