La scasada da Paul Schlienger na succeda betg ord atgna voluntad. Enfin ussa è el numnadamain adina stà il medem mument custodi da Ziteil e plevon en Val Alvra. Perquai ch’el mancava memia savens per far messa en Val Alvra durant ils mais da stad, han las dus plaivs Alvra e Brinzauls decidì, da visar il contract cun lur plevon. Ina brev da protesta n’ha nizzegià nagut. Perquai banduna Paul Schlienger ussa la chasa pravenda da Stierva, e va a Cuira ad abitar. Là vegn el tranter auter a sa deditgar a ses grond hobi, il restaurar paramentas. Dasperas vegn el a gidar ora a far messa en la plaiv da Surses. Custodi da Ziteil vegn el era en avegnir ad esser.
Plaiv Alvra/Brinzauls Plevon banduna la val
Il plevon da la Val Alvra, Paul Schlienger, sto bandunar la val. Malgrà che 125 persunas han suttascrit la primavaira ina brev da protesta per tegnair lur plevon, va el ussa a Cuira a star. Là vul el sa deditgar dapli a ses grond hobi.
Parter
RTR actualitad 11:00
Parter