Suenter che Bravuogn Filisur e Schmitten avevan gia ditg Gea han ussa trais da las quatter vischnancas pertutgadas dà glisch verda al project. La quarta vischnanca, Tavau, vegn anc questa stad a decider sch’ella vul sa participar al project u betg.
Tras il project «Landwasserwelt» duai il viaduct da la Landwasser e ses conturn daventar in dals gronds magnets turistics en il chantun. Ils custs per lantschar il project muntan a var 11,6 milliuns francs. Finanzià vegn il project da la Viafier retica, dal Chantun Grischun, da privats e da las quatter vischnancas pertutgadas.