Project «Salvar Igls Mulegns» - Surses vul pajar in mez milliun per Origen - Novitads

Project «Salvar Igls Mulegns» Surses vul pajar in mez milliun per Origen

Glindesdi proxim decida la radunanza communala da Surses davart in sustegn finanzial da 510'000 francs a la Nova Fundaziun Origen per il project «Salvar igls Mulegns». Radund 80 persunas han visità ina saira d’infurmaziun, e las reacziuns per il project èn per gronda part positivas.

Autur: Federico Belotti

5,6 milliuns francs vul la Nova Fundaziun Origen investir en il project «Salvar igls Mulegns». 3,7 milliuns èn gia rimnads e cun il mez milliun da la vischnanca Surses vegniss anc ina giada vitiers la summa da 10% dals custs totals. Tar las mesiras che duessan vegnir realisadas cun quels daners tutgan da cumprar il «Hotel Post Löwe» e la «Tgesa Alva» e da spustar la «Tgesa Alva» per pudair schlargiar la via.

audio

Mezdi: Surses: Sustegn per projects dad Origen – tge di la populaziun

ord Actualitad dals 20.08.2019.

laschar ir. Durada: 3 minutas 29 Secundas.

Plinavant vegnan fatgas sanaziuns urgentas vi dals bajetgs ed i vegn realisà in program cultural per far reviver las chasas ed i vegn fatg in inventari cun ils documents istorics ch’èn avant maun. Sche tut va tenor plan vul Origen entschaiver l’october cun las lavurs da spustar la Tgesa Alva, uschia ch’il passadi stretg daventass pli lartg. Spustada duess la chasa lura vegnir l’atun da l’auter onn.