Siglir tar il cuntegn

Header

cuntegn

Project «Salvar Mulegns» Fundaziun Origen ha rimnà dus terzs dals daners

Anc mancan 1,9 milliuns francs per ils dus project d'Origen a Mulegns: l'hotel Löwen e la Chasa Alva. 3,7 milliuns ha la fundaziun dentant gia sin segir.

La Fundaziun Origen ha ensemen 3,7 milliuns francs per lur project «Salvar Mulegns». Quels daners èn per gronda part vegnids miss a disposiziun da fauturs privats. Ussa mancan anc 1,9 milliuns francs per che la Fundaziun Origen cuntanscha la summa avisada da 5,6 milliuns.

Tge è il project «Salvar Mulegns»?

Avrir la box Serrar la box

Il project da la Fundaziun Origen prevesa da mantegnair ils stgazis cultural-istorics da Mulegns; concret da cumprar e segirar l'hotel Löwen e la Chasa Alva ed inventarisar ils objects istorics. La Chasa Alva duai plinavant vegnir spustada per radund 7 meters. Quai per schliar ils problems cun la via fitg stretga en il vitg avant il Pass dal Güglia.

Co vai vinavant?

Per cumprar e dislocar la Chasa Alva fissan ils daners gia avant maun. Avant ch'ins possia dentant cumenzar cun las lavurs da spustament, dovra la Fundaziun Origen anc duas lubientschas:

I dovra ina decisiun dal cumin da Surses, areguard la vendita da las parcellas. Ultra da quai dovri anc il consentiment definitiv da la regenza grischuna.
Autur: Giovanni Netzer intendant Origen

Giovanni Netzer è optimistic che quellas votaziuns na vegnan dentant betg ad esser in crap da stgarpitsch per il project. Medemamain quinta el fermamain che la Fundaziun Origen vegnia tochen la fin da quest onn era anc ensemen cun ils 1,9 milliuns che mancan. En emprima lingia spetgan els anc sin respostas da fundaziuns che sustegna projects da cultura.

La finamira sportiva è dentant da gia pudair cumenzar l'october 2019 cun las lavurs da preparaziun per il spustament da la Chasa Alva. Quellas vegnan a durar bain in onn, fin che la chasa po alura entaifer sulet 1 di vegnir spustada dal vegl al nov lieu.

Ord l'archiv dal Telesguard

video
Salvar la chasa alva – Origen preschenta alternativa per la stretga dals Mulegns
Or da Telesguard dals 17.04.2019.
laschar ir. Durada: 4 minutas.

RR novitads 17:00

Artitgels legids il pli savens