En collavuraziun cun la Scola politecnica da Turitg vul la Fundaziun Origen construir ina tur da 29 meters autezza – cun ina nova tecnologia da stampar bajetgs da betun. In stritg tras il quint fan il mument divers recurs. Avant la fin da settember na saja betg da spetgar cun ina decisiun, ha il president communal da Surses Leo Thomann ditg a chaschun da la preschentaziun d'in demonstratur da la tur, in model 1:1. L'intendant dad Origen, Giovanni Netzer è tuttina da buna speranza da pudair realisar la tur. L’avertura è planisada il 2023 e la tur duai svanir il 2028. Commentaris en detagl davart ils recurs dettia Origen sco usità betg, cun esser ina procedura betg terminada.
audio
Mulegns: Resistenza encunter la tur d'Origen
ord Actualitad dals 05.08.2022.
laschar ir. Durada: 3 minutas 25 Secundas.
