L'uniun dal Parc Ela vul che la regiun profiteschia dapli dals products da l'agricultura locala. L'idea da coc saja che products agrars producids en la regiun, vegnian elavurads e vendids anc pli intensiv en il territori dal parc.
Tranter auter haja la retschertga online mussà ch'ils purs da la regiun giavischian ina pussaivladad da far batgaria ed elavurar la charn en il territori dal Parc Ela. Ma er projects per elavurar latg, verdura, fritgs e gran vegnan examinads.
Products indigens d'auta qualitad
Finamira èsi da schlargiar la producziun da mangiativas d'auta qualitad en il Parc Ela. Ina nova plattafurma digitala duai lura colliar producents en la Val d'Alvra ed en il Surses cun la gastronomia regiunala.
Il project dal Parc Ela survegn sustegn federal da 20'000 francs. E la medema summa mettan mintgamai a disposiziun il post per il svilup da la regiun e l'uniun Parc Ela.