Dapi ils quatter da fanadur beneventa Krisztina Rucz (35) ensemen cun sia mamma Zsuzsanna puspè giasts en il restaurant Muntsulej. Suenter che l'ustaria era vegnida serrada da Pasca è la tschertga d’ina nova locaziun stada ina gronda sfida per la cooperativa Muntsulej. Il president Georg Podolak sa mussa fitg levgià d’avair chattà ina soluziun gist per l’entschatta da la stagiun da stad.
-
Bild 1 von 8. Krisztina Rucz (san.) cun sia mamma Zsuzsanna. Bildquelle: RTR.
-
Bild 2 von 8. La nova ustiera Krisztina Rucz. Bildquelle: RTR.
-
Bild 3 von 8. Il president da la cooperativa Muntsulej Georg Podolak. Bildquelle: RTR.
-
Bild 4 von 8. L'ustaria ha ina gronda terassa. Bildquelle: RTR.
-
Bild 5 von 8. Vista a Maton. Bildquelle: RTR.
-
Bild 6 von 8. Il president da la cooperativa Muntsulej Georg Podolak e l'ustiera Krisztina Rucz. Bildquelle: RTR.
-
Bild 7 von 8. Vista en l'ustaria vers la terassa. Bildquelle: RTR.
-
Bild 8 von 8. La nova ustiera di ch'i saja sco in da sis en il lotto da pudair manar questa ustaria. Bildquelle: RTR.
La nova locataria che viva dapi tschintg onns en Svizra e che ha cuschinà pli baud en la Val d’Avras, ristga uss il pass en l'independenza. Georg Podolak ed il cussegliader d'hotels Willibald Löschl han sustegnì ella tar las preparaziuns intensivas ed ils pass administrativs.
Sin la carta da tratgas datti ina maschaida variada: Sper classichers grischuns sco maluns u schuppa da giutta porschan las dunnas era spezialitads ungaraisas sco ina schuppa da gulasch.