Mintg'onn elavura ina cumissiun dal cussegl da cumissiun in program da cultura da la «Tgea da tgànt». Ils dis da chant per uffants che èn gia per la terza giada il december sajan quasi gia daventads tradiziun, di Telgia Juon.
Gia per la secunda giada datti ina saira da chant ed istorgias, scrittas da Tumasch Dolf. Niklaus Peter da Turitg, che ha edì in cudisch cun las istorgias da Tumasch Dolf, translatadas per tudestg, e Simona Beeli, scolasta a Donat preschentan las istorgias per rumantsch e per tudestg.
Nus vulain promover en Val Schons la pussaivladad da purtar vinanvant la tradiziun da chant e la tradiziun dal rumantsch.
La saira bilingua vegn accumpagnada dad in ensemble vocal che chanta chanzuns da Tumasch Dolf e Benedikt Dolf. In'auter punct culminant dal program da cultura è in workshop cun las duas chantaduras rumantschas Astrid Alexandre ed Ursina Giger, ch'è il matg 2025 ed er il matg 2026. Il workshop tematisescha la chanzun ed er il lungatg rumantsch.
Las occurenzas na vegnanbetg be visitadas da glieud indigena da la Val Schons e la Tumleastga, mabain er da persunas dad ordvart. Quai fa grond plaschair!
Tar il program da cultura da la «Tgea da tgànt» saja fitg impurtant d'avair occurrenzas cun in focus instrumental, chant, ed er insatge per uffants.
