Il territori dal vitg da Brinzauls sa mova il mument cun ca 1.40 meters ad onn, tge ch’è 5 centimeters pli pauc ch’anc avant in mais. Creschì per in meter èn però ils moviments tar l’uschenumnada insla amez la bova. Là sa mova il terren il mument per 10 meters ad onn.
Cun las temperaturas da november pli fraidas e l’emprima naiv saja il proxim temp da quintar cun in augment da las spertezzas dals moviments e cun dapli crudada da crappa. Plinavant infurmescha la vischnanca che las lavurs en connex cun il tunnel da sondagi s’avanzan tenor plan. La geologia dal grip saja sco spetgada. Il tunnel che vegn ad avair ina lunghezza da 650 meters saja ussa gia 160 meters lung.
