En mintga chantun dal lavuratori vegn glimà, resgià, dà en guttas, furà e struvegià. La finamira: in letg u ina maisa bajegiada sez tenor agen gust. Ils participants e las participantas paran tuts ad esser en lur element. Ed il curs para dad esser dapli ch'in simpel curs.
Jau fatsch in letg da schember. Quai era gia daditg mes giavisch tant bramà.
Irene Cantieni da Donat bajegia ses agen letg da schember per ses 60avel anniversari, cun quai va per ella in siemi en vigur. Il letg ch'ella bajegia è in unicat e da lavurar sezza vidlonder fetschia extrem plaschair ed exact quai fetschia la differenza. Quai dettia a la mobiglia anc ina giada tut in'autra stima. E cun in surrir aschunta ella, ch'ella vegnia en futur a durmir dubel uschè bain en ses letg ch'ella haja bajegià sezza.
Letg da schember
-
Bild 1 von 3. Irene Cantieni ha grond plaschair da pudair bajegiar ses agen letg da schember. Bildquelle: RTR.
-
Bild 2 von 3. Sco punct sin il «i» è Irene Cantieni sa decidida per pes da granit da San Bernardino per ses letg fatg sez. Bildquelle: RTR.
-
Bild 3 von 3. Bildquelle: RTR.
Robert Garbade che viva en val d'Avras bajegia ina maisa da mangiar. El ha tschernì ina furma speziala dad octogon ch'el ha dissegnà sez. El haja gia pensà ch'i saja pretensius da far ina maisa en quella furma, ma ch'i saja uschè cumplex n'avess el betg pensà.
Igl è schon tut insatge auter da bajegiar sez sia maisa, e da vesair l'entir process, co quella vegn construida – che da simplamain cumprar ina maisa.
Dad ina mobiglia bajegiada sez as haja tut in auter plaschair che dad ina cumprada.
Maisa en furma dad octagon
-
Bild 1 von 5. Robert Garbade che viva en val d'Avras bajegia ina maisa da mangiar en furma dad octogon. Bildquelle: RTR.
-
Bild 2 von 5. Bildquelle: RTR.
-
Bild 3 von 5. Bildquelle: RTR.
-
Bild 4 von 5. Bildquelle: RTR.
-
Bild 5 von 5. Bildquelle: RTR.
Regula Störrlein da Turitg fa si'atgna maisa da lavur. Quella sa tschenta en sia chasa da vacanzas en val d'Avras. Ella n'haja betg uschè bler plaz, perquai dettia ina maisa plitost pitschna da 60 x 100 cm. Las chommas hajan dentant ina furma in zic pli speziala radunda e là haja ella schizunt pudì integrar tablars nua ch'ins possia deponer cudeschs u documents. Ella haja in job da biro, tant pli fitg stima ella da lavurar cun ils mauns.
Igl è grondius da pudair lavurar en scrinaria.
Maisa da lavurar
-
Bild 1 von 3. Regula Störrlein cun las bellas chommas da sia maisa. Bildquelle: RTR.
-
Bild 2 von 3. Bildquelle: RTR.
-
Bild 3 von 3. Il plan per la maisa da Regula Störrlein ch'ella ha sviluppà ensemen cun il profi. Bildquelle: RTR.
Er a la scrinaria Andrina Langenegger fetschia plaschair da lavurar cun ils participants e las participantas dal curs. Els ed ellas vegnian a dumandar e patratgian cun. I saja bel da lavurar uschè stretg en il team e saja ina bella midada en il mintgadi.
Il pli bel è da vesair quant loschs ch'ils participants e las participantas èn da lur mobiglia ch'els ed ellas han construì sez.
L'intenziun dal curs saja dad avrir las portas da la scrinaria e da dar in'invista en lur professiun, di il schef da la scrinaria Gion Michael.
Lain è insatge che viva e sveglia emoziuns.
Sch'ins haja bajegia sez ina mobiglia haja quella ina valur tut speziala. El less era dar enavant e mussar la passiun per il lain.