Sco quai che Stephan Kaufmann, il manader da l’uniun Sendas da Viandar Grischunas ha ditg, crai el schon che la gronda part dals 11'000 kilometers sendas da viandar dal Grischun saja marcada endretg. La rait da sendas da viandar saja però vegnida bajegiada si durant decennis ed uschia pudessi tenor el schon dar sendas che na correspundian magari betg pli als criteris dad ozendi. Ma en general possian ins dir che la qualitad da las classificaziuns saja fitg buna.
Donns èn adina pussaivels
Tge ch’i possia però adina dar sajan donns vid las sendas, uschia ch'ellas daventian intransiblas. Las viandantas ed ils viandants sajan dentant er adina en l'atgna responsabladad. Saja ina senda da viandar per exempel inundada u lavada davent, alura possia quai schon dar ch’ins stoppia ina giada returnar. Impurtant saja en mintga cas dad annunziar donns vi da sendas da viandar, ha ditg Stephan Kaufmann.
Annunziar donns è pussaivel sut quest link
