Segirtad en la muntogna - Senda da viandar spectaculara è serrada
Tgi che passa cun l’auto u cun il tren tras la Val Alvra vesa dalunga la cascada impressiunanta dal Schaftobel sur Filisur. Pervi da crudada da crappa ed inundaziuns è la senda da viandar che passa la cascada il mument serrada. Pervi dals auts custs è ina reavertura intscherta.
Legenda:
La cascada dal Schaftobel.
Federico Belotti
2 / 14
Legenda:
L'aual dal Schaftobel.
Federico Belotti
3 / 14
Legenda:
Ils donns vi da l'infrastructura èn gronds.
Federico Belotti
4 / 14
Legenda:
Tras il Schaftobel maina era quest tunnel.
Federico Belotti
5 / 14
Legenda:
Vista sin Alvagni.
Federico Belotti
6 / 14
Legenda:
Il mument è questa senda serrada.
Federico Belotti
7 / 14
Legenda:
Vista sin il Schaftobel.
Federico Belotti
8 / 14
Legenda:
Las punts lung dal Schaftobel èn en in stadi manglus.
Federico Belotti
9 / 14
Legenda:
La senda da viandar è serrada
Schweizmobil.ch
10 / 14
Legenda:
L'aual dal Schaftobel.
Federico Belotti
11 / 14
Legenda:
Il Schaftobel fiss bain cuntanschibel davent da Filisur Zinols.
Federico Belotti
12 / 14
Legenda:
L'expertisa da l'onn 2020 di, tge ch'ins stuess far per puspè avrir la senda da viandar dal Schaftobel.
Federico Belotti
13 / 14
Legenda:
Luzi Schutz, il president communal da Bravuogn Filisur avess plaschair sch'ins pudess en l'avegnir puspè avrir la senda.
Federico Belotti
14 / 14
Legenda:
La vischnanca da Bravuogn Filisur recumonda da betg passar la senda da viandar serrada.
Federico Belotti
La senda da viandar che passa il Schaftobel è gia serrada dapi circa tschintg onns. Sco quai ch’il president communal Luzi Schutz ha ditg envers RTR, haja la vischnanca da Bravuogn Filisur laschà far in’expertisa. Quella vegnia tar la conclusiun, ch’i sajan dad investir 300’000 enfin 400’000 francs per renovar la senda da viandar, uschia che quella possia puspè vegnir averta.
audio
Segirtad en muntogna: Resta senda Schaftobel serrada?
02:41 min, ord Actualitad dals 13.07.2021.
laschar ir. Durada: 2 minutas 41 Secundas.
Finanziaziun difficila
Il president di ch’ina pussaivladad fissi ch’ina uniun u cuminanza d’interess pudess surpigliar il timun en chaussa, ed era gidar cun las lavurs. Perquai che cun agens meds na saja betg pussaivel che la vischnanca possia far las lavurs necessarias vi da la senda ed ils mirs e punts. Luzi Schutz quinta ch’i pudessi anc ir in per onns enfin che la senda da viandar vegnia puspè averta. Ma i saja en mintga cas impurtant, da pudair preservar questa senda da viandar istorica che saja fitg populara tar turistas e turists sco era tar ils indigens.
