Las localitads da «Nossa Buteia» a Sur vegnan actualmain renovadas. I vegn a dar in nov sistem da cassa ed in access da 24 uras. Per prevegnir ad enguladitschs vegnan installadas cameras.
La butia «Prima» na rendeva betg
La fin da december aveva la butia «Prima» ch’era vegnida manada dal Consum Alvra Surses serrà las portas, perquai che la butia na rendeva betg pli. La nova butia duai però puspè vegnir en la zona da gudogn, ha ditg Victoria Spinas, la cuninizianta da la butia. Quai duai gartegiar grazia l’avertura da 24 uras. E cun dapli products regiunals ins veglia carmalar dapli glieud en butia. Il start saja ussa garantì.
Avertura 24 uras e products regiunals duain purtar rendita
Bain ins saja anc a la tschertga da donaturs e persunas che cumpran bons per la butia. Ma grazia ad ina gronda donaziun d’ina persuna che vul restar anonima, e grazia al sustegn da l’Agid da muntogna Svizzer, ins possia ussa bainprest festivar la reavertura. Quella è planisada il prim da matg.
-
Bild 1 von 6. Era en l'avegnir vegni a dar in bistro. Bildquelle: RTR.
-
Bild 2 von 6. Ils charrets da cumpra èn pronts. Bildquelle: RTR.
-
Bild 3 von 6. Erika Tanner (san.) e Victoria Spinas las co-manadras da la nossa buteia Sur GmbH. Bildquelle: RTR.
-
Bild 4 von 6. Anc vegn lavurà... Bildquelle: RTR.
-
Bild 5 von 6. Anc dovri in pau pazienza. Bildquelle: RTR.
-
Bild 6 von 6. La butia sa chatta en l'anteriura chasa communala da Sur. Bildquelle: RTR.